Tiranë, 24 shkurt, NOA – Deputeti i Partisë Socialiste, Taulant Balla akuzoi sot kryeministrin Sali Berisha se ka pasur mercenarë në datën 21 janar, në katin e dytë të kryeministrisë.
Në fjalën e tij në Kuvend Balla u shpreh se “vetëm kapter Saliu dhe Gedafi dhanë urdhër për të vrarë njerëz. Vetëm ti dhe Gedafi mund të përdorini mercenarë”.
Balla shtoi se "zbardhja e së vërtetës së 21 Janarit do të nxjerrë në dritë edhe mercenarët e një kompanie private që mbushën katin e dytë të Kryeministrisë, për të qetësuar paranojën tënde Sal"i.
Duke u ndalur në ndryshimet në Rregulloren e Kuvendit, Balla u shpreh se ky është fundi i demokracisë parlamentare. Duke përmendur dhe replikat e mëparshme që ka pasur me kryeministrin Sali Berisha, Balla u shpreh se mazhoranca duhet të shkruaj në rregullore se “se Berisha ka të drejtë të shajë deputetë me nënë e motër”.
Balla u shpreh se kreu i mazhorancës është përgjegjës për vrasjen e 32 njerëzve. “ Mbi ty rëndin vrasja e 32 njerëzve. Më 21 janar dhe urdhër të qëllohet mbi popullin”, tha Balla.
a.k/NOA
