Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
BE: Mbetet pezull vendimi për liberalizimin e vizave për vendet e Ballkanit
English

BE: Mbetet pezull vendimi për liberalizimin e vizave për vendet e Ballkanit

E enjte, 24 shkurt 2011, NOA- Pak më parë ministrat e brendshëm të Bashkimit Europian shqyrtuan procesin e liberalizimit të vizave për vendet e Ballkanit.

Pavarësisht diskutimeve lidhur me këtë proces nuk është miratuar asnjë ndryshim.

Mësohet se Franca dhe Holanda kërkuan të merret në konsideratë kërkesa e tyre për shfuqizimin e mundshëm e të përkohshëm të liberalizimit të vizave për vendet që nuk respektojnë kushtet e liberalizimit.

Ky argument doli si kërkesë pas fluksit masiv të azilkërkuesve nga vendet e Ballkanit Perëndimor, kryesisht Serbia dhe Maqedonia në vendet e zonës Shengen.

Ministrat u njohën me mekanizmat e funksionimit të mbikëqyrjes së procesit të liberalizimit, ndërsa në qershor pritet hartimi i një raporti më të detajuar.

Michele Cercone, zëdhënës i Komisionerit Europian për Punë të Brendshme, Sesilia Malmstrom theksoi se eurokomisionerja Malmstrom i ka arsyetuar ministrave të BE-së veprimin e mekanizmit mbikëqyrës, të miratuar pas heqjes së vizave për Bosnjë-Hercegovinën dhe Shqipërinë në nëntor të vitit të kaluar.

Bëhet me dije se ministrat vetëm kanë dëgjuar raportin e Malstrom, ndërsa nuk ka pasur asnjë kërkesë apo vendim rreth tij.

Komisioni Evropian është përgjegjës për të vlerësuar se a do ta dërgojë propozimin për shqyrtim edhe pranë këshillit të ministrave të BE-së.

a.y/NOA

KOMENTE