Tiranë, 25 shkurt 2011, NOA- Një tjetër largim ka ardhur ditën e sotme nga radhët e Partisë Socialiste drejt Lëvizjes Socialiste për Integrim.
Kryetari i Njësisë Bashkiake nr. 3 në Tiranë, Ilir Kokona ka bërë të ditur ditën e sotme se largohet nga partia e Edi Ramës për t’iu bashkuar asaj të Ilir Metës.
Deklarata e ardhur nga selia e LSI-së është bërë nga Sekretari i Përgjithshëm i saj Luan Rama, i cili theksoi se do të ketë të tjerë të larguar në radhët e selisë rozë, të cilët do i bashkohen sërish kësaj partie.
Ai tha më tej se këto lëvizje vijnë në saj të politikës dhe rrugës të ndjekur nga kreu i Partisë Socialiste Edi Rama.
a.y/NOA
