Tiranë, 2 mars 2011, NOA- Zëvendës Kryeministri dhe Ministri i Punëve të Jashtme, priti sot në një takim Ambasadorin e Australisë në Republikën e Shqipërisë, Jeremy Roger Newman, me rastin e përfundimit të misionit të tij.
Gjatë takimit, u vlerësuan marrëdhëniet e mira dhe miqësore që ekzistojnë mes dy vendeve tona dhe u shpreh vullneti për forcimin e bashkëpunimit dypalësh, si në fushën ekonomike ashtu edhe atë arsimore. Gjithashtu, bashkëbiseduesit theksuan nevojën për intensifikimin e bashkëpunimit në kuadër të organizatave ndërkombëtare.
Ministri Haxhinasto falenderoi nëpërmjet Ambasadorit Newman qeverinë e Australisë për kontributin e veçantë në rritjen e numrit të njohjeve të pavarësisë së Kosovës, duke theksuar se kjo i shërben paqes, stabilitetit dhe zhvillimit të rajonit tonë.
a.y/NOA
