E shtunë, 5 mars 2011, NOA- Bilanc tragjik është ai që shënohet në Libi, pasi vetëm gjatë ditës së sotme kanë humbur jetën rreth 100 persona.
Mediat ndërkombëtare konfirmojnë se prej disa orësh pa pushim po zhvillohen luftime të përgjakshme mes përkrahësve të qeverisë dhe kryengritësve kundër regjimit të Muamar Gedafit.
Ndërsa të plagosur raportohen rreth 70 të tillë, por përveç kryengritësve në radhët e viktimave shënohen edh një numër i konsiderueshëm i forcave qeveritare.
Sulmet mbi kryengritësit anti-Gedaf po kryhen me armë të kalibrave të rënda, ku ndër ta veçohen tanket, të cilët nuk janë kursyer për të shtënë mbi popull.
a.y/NOA
