Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Topalli-Grossruck: OSBE të sjellë sa më shumë vëzhgues për zgjedhjet e 8 majit
English

Topalli-Grossruck: OSBE të sjellë sa më shumë vëzhgues për zgjedhjet e 8 majit

Tiranë, 9 mars 2011, NOA – Zëvendëspresidenti i Asamblesë Parlamentare të OSBE-së Wolfgang Grossruck u prit sot në një takim nga Kryetarja e Kuvendit, Jozefina Topalli. Kryetarja e Kuvendit, duke e vlerësuar deputetin austriak si një mik të ngushtë të shqiptarëve, shprehu mirënjohjen për rolin e Gossruck në zhvillimin e proceseve demokratike dhe rritjen e imazhit të Shqipërisë në opinionin austriak.

Duke iu referuar situatës politike në vend dhe zgjedhjeve vendore të 8 majit të cilat janë vetëm dy muaj më pas, kryeparlamentarja Topalli rishtas i kërkoi mbështetje OSBE-së sa i përket rritjes së numrit të vëzhguesve të zgjedhjeve.

“Është shumë e rëndësishme që zgjedhjet e 8 Majit të monitorohen nga një numër sa më i madh vëzhguesish të OSBE-së dhe të institucioneve të tjera ndërkombëtare”, theksoi zonja Topalli, duke konfirmuar vendosmërinë e Parlamentit dhe Qeverisë, që zgjedhjet administrative të 8 Majit të jenë më të mirat.

Zëvendëspresidenti i Asamblesë Parlamentare të OSBE-së Wolfgang Grossruck tha se ai e ndërmerr me kënaqësi të veçantë vizitën në Shqipëri.

Grossruck pohoi se Shqipëria po përjeton zhvillime të mëdha.

Ai nuk la pa shprehur sakaq edhe keqardhjen për ngjarjet e rënda që shënuan demonstratën e 21 janarit ku u vranë katër demonstrues.

mit/NOA

KOMENTE