Shijak, 17 mars 2011, NOA- Pak minuta më parë në lumin Erzen në Shijak është gjetur një trup i pajetë.
Sipas të dhënave paraprake mësohet se kufoma është gjetur në grykëderdhjen e lumit Erzen dhe është identifikuar si Admirim Sade.
Burime zyrtare nga policia thonë se viktima mund të jetë rreth të 30-ve.
Megjithatë nuk bëhen ende të ditura shkaqet që kanë çuar në vdekjen e të riut dhe as koha kur ai ka gjetur vdekjen.
Ndërkohë sipas policisë bëhet e ditur se Sade ishte larguar nga familja disa ditë më parë dhe sipas familjarëve të tij ai vuante nga depresioni.
Nga ana e uniformave blu ka nisur menjëherë puna për të zbardhur shkaqet që kanë çuar në humbjen e jetës së viktimës, ndonëse dyshohet për një vetëmbytje.
a.y/NOA
