Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Rama i dhuron Pacollit “Çelësin e qytetit”, Pacolli: Tirana kryeqyteti i kombit
English

Rama i dhuron Pacollit “Çelësin e qytetit”, Pacolli: Tirana kryeqyteti i kombit

Tiranë, 21 mars 2011, NOA – Për presidentin e Kosovës, Behgjet Pacolli, Tirana është kryeqyteti i kombit. Këtë togfjalësh me të cilin ka titulluar Tiranën, kryeqytetin e Shqipërisë, presidenti i Kosovës e artikuloi gjatë prononcimit të tij pas takimit me kryetarin e Bashkisë së Tiranës Edi Rama.

Presidenti i Kosovës, i cili ka qenë një nga biznesmenët e njohur të Europës deklaroi se vizita e tij në Tiranë ishte një moment i këndshëm për të dhe se nuk do të jetë vizita e tij fundit.

“Unë do të vij dhe do ta vizitoj Tiranën, pasi aty ku ndërtohet është edhe vendi im”, theksoi presidenti Pacolli.

Në këtë kontekst Pacolli vlerësoi punën e kryebashkiakut Rama, që tashmë qeveris bashkinë e Tiranës prej dhjetë vitesh dhe po përgatitet tashmë për të katërtin mandat në kryeqytet.

“Vlerësoj seriozitetin e punës suaj, i tha kryebashkiakut Rama, presidenti i Kosovës, i cili më pas nënvizoi se “Do jap kontributin tim për Tiranën, pasi sikundër tha ai “Tirana është kryeqyteti i kombit”.

Gjatë takimit në bashkinë e Tiranës Kreu i Bashkisë Edi Rama i dorëzoi presidentit Pacolli “Çelësin e Tiranës”.

Në prononcimin e përbashkët për mediat kryebashkiaku Rama u shpreh se “Kjo ishte një vizitë e bukur dhe nuk kishte ditë me të përshtatshme për ta pritur Presidentin. Unë i dorëzova “Çelësin e qytetit” duke i shtrënguar dorën e vëllazërimit, bashkëpunimit, në të njëtën kohë kur kufiri tashmë bëhet simbolik”, nënvizoi kryetari i Bashkisë së kryeqytetit.

mit/NOA

KOMENTE