Tiranë, 22 mars 2011, NOA- Miroslav Lajçak, i dërguari i Bashkimit Europian, pak minuta më parë ka mbërritur në presidencë ku po zhvillon një takim me kreun e shtetit, Bamir Topi.
Mësohet se pas këtij takimi ai do të takojë edhe Kryeministrin e vendit Sali Berisha si dhe kryetarin e Partisë Socialiste Edi Rama, për ti përmbyllur dhe kurorëzuar më pas këto takime me një dalje për mediat.
Lajçak vjen për të tretën herë në Shqipëri me misionin e zgjidhjes së krizës së politikës shqiptare si dhe për vendosjen e dialogut mes palëve.
Ndërkaq pritet që një vëmendje të madhe gjatë këtyre takimeve ta kenë edhe zgjedhjet lokale të cilat do të mbahen në 8 maj.
Lajçak është i dërguar i Baroneshës Kathrin Ashton, komisioneres së Lartë të BE-së.
a.y/NOA
