Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Ministri Vasili lë spitalin, falënderim për stafin e mjekëve
English

Ministri Vasili lë spitalin, falënderim për stafin e mjekëve

Tiranë, 23 mars 2011, NOA- Pas aksidentit të shënuar ditën e djeshme në aksin rrugor, Peqin-Elbasan, ministri i Shëndetësisë, Petrit Vasili ka lënë ambientet e spitalit pasditen e sotme.

Mësohet se ai qëndroi për afro 24 orë nën kujdesin e mjekëve dhe pas kontrollit dhe analizave të kryera nga grupi mjekësor, gjendja e Ministrit Vasili është paraqitur e mirë, çka ka bërë që ai të lërë Spitalin Ushtarak.

Nëpërmjet një deklarate zyrtare nga zyra e shtypit të tij, Ministri Vasili ka falenderuar ekipin e mjekëve të Spitalit të Elbasanit të cilët sipas tij përballuan me shumë sukses peshën më të madhe të kësaj emergjence shëndetësore duke dhënë shembullin e një profesionalizmi të lartë, ashtu sikurse edhe ekipi i transportit me helikopter.

Në deklaratë thuhet gjithashtu se, ministri Vasili vlerëson gjithashtu maksimalisht punën dhe gatishmërinë e të gjithë stafit mjekësor të Spitalit Ushtarak të cilët e kanë asistuar atë, gjatë gjithë kohës së qëndrimit në këtë spital.

Ndërkaq mësohet gjithashtu se spitalin e kanë lënë edhe të plagosurit e tjerë, Drejtori i Kabinetit, Klodian Rjepaj dhe Drejtori i Politikave Shëndetësore Pëllumb Pipero.

a.y/NOA

KOMENTE