Shkup, 23 mars, NOA – Pasi qëndroi në Shqipëri për dy ditë me radhë, në të parën vizitë zyrtare jashtë Kosovës si president i saj, presidenti kosovar, Bexhet Pacolli sot mbërrin për vizitë zyrtare në Maqedoni.
Mësohet se ftesa për një vizitë të tillë atij i është bërë nga vetë presidenti maqedonas, George Ivanov.
Burime të të cilit, pohojnë se për pritjen e presidentit Pacolli është organizuar një ceremoni zyrtare me nderimet më të larta shtetërore dhe ushtarake të këtij vendi.
Ndërkaq, axhenda e takimeve të Pacollit në Maqedoni përmban takimin e tij me kryeparlamentarin Trajko Veljanovski, por nuk dihet nëse ai do të takojë edhe kryeministrin maqedonas, Nikolla Gruevski.
Gjatë kësaj vizite në Maqedoni, është parashikuar edhe nënshkrimi i Protokollit midis ministrive të Bujqësisë kosovare dhe maqedonase, për bashkëpunimin në fushën e bujqësisë.
n.e/NOA
