Koplik, 26 mars, NOA – Ka qenë me pasoja fatale një aksident i ndodhur ditën e sotme në rrugët e Koplikut në Shkodër. Korrespodenti i Agjencisë NOA raporton se si pasojë e përplasjes së dy makinave ka mbetur e vdekur një vajzë, e cila nga raportimet e para identifikohet si Elona Dema.
Sipas policisë mësohet se vajza ka qenë pasagjere në një prej makinave të përfshira në aksident. Përplasja e fortë ka bërë që vajza të humbasë jetën menjëherë. Policia ka shkuar në vendngjarje dhe po heton për shkaqet e aksidentit, si dhe ka marrë në pyetje dy drejtuesit e mjeteve.
a.k/NOA
