Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Dy shqiptare, kandidate për “Miss” në Zvicër
English

Dy shqiptare, kandidate për “Miss” në Zvicër

Zvicër, 29 mars, NOA - E përditshmja zvicerane “Berner Zeitung” është duke zhvilluar një konkurs për të zgjedhur “Missin” e parë të Kantonit të Bernës. Në mesin e 15 kandidateve janë dhe dy vajza shqiptare; 21-vjeçarja Natyra Avjazi nga qyteti i Ipsach-i dhe Florijana Halimi, 18-vjeç nga Jegenstorf-i.

Bukuroshja e parë punon si nëpunëse komerciale, ndërsa Floriana është asistente në shitje me pakicë në vitin e tretë.

Kohë më parë, e përditshmja “Bieler Tagblatt” kishte shkruar një artikull kushtuar Natyrës, e cila iu kishte përmbajtur rregullave të ashpra për “Miss Bern”, gjatësia më e vogël 168 centimetra, dhe të jenë të moshës në mes 17 dhe 24-vjeçare. Kriteret e tjerë janë: beqare, pa fëmijë, poseduese e pasaportës zvicerane dhe me vendbanim në Kabtonin e Bernës, Solothurnit apo Friburgut gjermanofon. Natyra rrëfen se si i është ngjallur interesi për të kandiduar për “Miss Bern”: “Shoqet e mia më thonin se unë kam gjasa të fitoj”, thotë ajo, derisa ishte paraqitur personalisht tek juria. Ajo shpreson se do të mësojë diçka më shumë dhe për të është një detyrë e madhe dhe e rëndësishme.

Për tu bërë “Miss Bern” nuk do të thotë vetëm një buzëqeshje para kamerave dhe reklamim, por në radhë të parë të përfaqësohet Kantoni i Bernës. Natyra ka vendosur që Kantonin ta përfaqësojë me diversitetin e saj kulturor duke i përfaqësuar edhe rrënjët e saj kosovare.

Në të vërtetë, ajo ndjehet zvicerane, por ruajtja e identitetit të saj kosovar për të është shumë e rëndësishme. Shoqëria e saj është ndërkombëtare dhe me mënyrën e sj të hapur, komunikative, ajo dëshiron të ndërtojë ura në mes të kulturave të ndryshme. Nga ana tjetër, Florijana është me prejardhje nga Lugina e Preshevës dhe ëndrra e saj është që një ditë të jetë “Miss Zvicra 2011”.

Floriana ka përkrahjen e prindërve dhe familjes së saj. Ajo është e gjatë 169 centimetra, e lindur në shenjën e luanit, hobi i saj është që të shëtisë me shoqëri, ka dëshirë të luajë futboll. Më 7 maj të këtij viti do të mbahet nata finale dhe në këtë mbrëmje, do të marrin pjesë 16 vajza, ndërsa pritet që njëra nga shqiptaret të shkëlqejë dhe të fitojë kurorën e "Miss Bern 2011". Spektakli do të mbahet në sallën e njohur Arena Kursaal Bern dhe është paralajmëruar pjesëmarrja e shumë personaliteteve zvicerane. Veç mediave zvicerane, në këtë manifestim do të marrin pjesë edhe media shqiptare.

Në portalin e saj, “Berner Zeitung” ka publikuar një faqe me 15 kandidatet të cilat mund të votohen nga 0 deri 5 pikë, ndërsa para zgjedhjes së kandidates, kjo gazetë do të bëjë një portret për më të suksesshmen. Votat mund të jepen deri më 15 prill në ora 12.00.

NOA/Ainfo

KOMENTE