Tiranë, 30 mars 2011, NOA- Deputeti socialist Eduard Shalsi në një takim me banorët e njësisë bashkiake nr.9 u tha atyre tha se kandidati i maxhorancës për Bashkinë e Tiranës po i fshihet drejtësisë.
Tirana nuk ka nevojë për një Lul nuk ka nevojë për një Sali, kështu u është drejtuar deputeti socialist Eduard Shalsi disa banorëve në njësinë 9.
Gjatë fjalës me banorët, Shalsi theksoi se ish-ministri dhe kandidati Basha duhet të ishte para drejtësisë.
Sipas tij, ai s’mund të flasë për drejtësi e transparencë, pasi prej dy vitesh i fshihet drejtësisë.
Më tej ai shtoi se, “Luli i Saliut po bëhet sa qesharak aq edhe i bezdisshëm nëpër Tiranë. I thotë Saliu të thotë se do sjellim investitorë seriozë dhe Luli pa teklif e thotë duke pasur parasysh që investitori serioz e ka emrin Fazlliç. I thotë Saliu të thotë që do të kemi qeveri transparente për Tiranën dhe Luli pa një pa dy thotë do të jemi transparent ndërkohë që ka 2 vjet që i fshihet drejtësisë për të dhënë llogari për 200 milion eurot e rrugës së kombit”.
Ndër të tjera Shalsi e cilësoi kandidatin Basha si një njeri sa qesharak aq edhe i bezdisshëm dhe sipas tij nuk është ai që meritojnë shqiptarët.
a.y/NOA
