Shkup, 2 prill 2011, NOA- Parlamenti i Maqedonisë pritet të shpërndahet brenda datës 16 prill, pasi pritet që pas kësaj date të fillojnë përgatitjet për zgjedhjet e parakohshme zgjedhore.
Burime zyrtare nga Kryesia e Kuvendit maqedonas bëjnë me dije se përpara se të bëhet ky veprim do të miratohen të gjitha nismat e lëna në mes nga ana e parlamentit, kryesisht ato që do të kontribuojnë për mbarëvajtjen e procesit zgjedhor.
Opozita parlamentare pavarësisht këtij fakti ka bërë të ditur se do të vazhdojë rrugën e saj të bojkotit.
Rreth 100 ligje janë lajmëruar nga maxhoranca qeverisëse për miratim para mbajtjes së zgjedhjeve.
Kryetari i Komisionit Shtetëror të Zgjedhjeve pritet që gjatë ditës së sotme në një seancë të jashtëzakonshme të votohet në parlament.
Ndërkaq Kryeministri i Maqedonisë Nikolla Gruevski ka deklaruar se zgjedhjet do të mbahen më 5 qershor.
a.y/NOA
