Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Burgaj: Policia gjatë zgjedhjeve do tregojë profesionalizmin e saj
English

Burgaj: Policia gjatë zgjedhjeve do tregojë profesionalizmin e saj

Tiranë, 5 prill 2011, NOA- Një trajnim mbi rolin dhe detyrat e Policisë së Shtetit gjatë procesit zgjedhor Maj 2011 si dhe bashkëpunimi polici-media, është zhvilluar ditën e sotme, në ambientet e Qendrës së Formimit Policor.

Në këtë trajnim ishin të pranishëm specialistë të marrëdhënieve me publikun dhe përfaqësuesve të medias si dhe Drejtori i Përgjithshëm i Policisë së Shtetit, Hysni Burgaj, Drejtori i Drejtorisë së Sigurisë Publike Ilia Nasi, Shefi i misionit PAMECA III, Cecil Craig, si dhe ekspertë të Zyrës së OSBE-së dhe KQZ-së.

Në fjalën e mbajtur me këtë rast, Drejtori i Përgjithshëm i Policisë së Shtetit e konsideroi këtë takim si më të rëndësishmin mes takimeve të zhvilluara deri tani në kuadër të procesit zgjedhor Maj 2011.

“Unë do t’ju kërkoja dy gjëra; së pari ndjekjen e situatës në kohë reale gjatë këtij procesi zgjedhor, dhe së dyti njoftimin e publikut në kohën më të shkurtër të mundshme për çdo informacion, duke qenë sa më transparentë”, theksoi Burgaj.

Ai i konsideroi përfaqësuesit e medias një partner të rëndësishëm në gjithë zhvillimet e organizatës së policisë për përcjelljen e mesazheve tek publiku në kohën reale më të mirë të mundshme.

Burgaj falënderoi edhe misionet ndërkombëtare të PAMECA III dhe ICITAP për mbështetjen e vazhdueshme me trajnimet e ndryshme për punonjësit e policisë, si dhe në mënyrë të veçantë OSBE-në për materialet e referimit siç ishte edhe botimi i broshurës “Detyrat e punonjësit të policisë në procesin zgjedhor 2011”, e cila do t’i jepet çdo punonjësi policie që do të angazhohet me detyrat zgjedhore.

Ndërkohë Shefi i misionit PAMECA III, Cecil Craig, u shpreh se “Në lidhje me këtë proces zgjedhor, standardet tuaja duhet të jenë pranë standardeve evropiane.”

Craig i vlerësoi marrëdhëniet e Policisë së Shtetit me median si të shkëlqyera, duke theksuar besimin e tij që Policia e Shtetit do ta shfrytëzojë këtë periudhë zgjedhore për të treguar edhe këtë herë profesionalizmin e saj.

Gjatë këtij trajnimi u diskutua mbi rolin dhe detyrat e policisë gjatë procesit zgjedhor, legjislacionin zgjedhor që ka lidhje me policinë, rolin e KQZ-së, KZAZ-ve, VNV-ve dhe QV-it si dhe procedurat e bashkëpunimit me strukturat e Policisë së Shtetit për garantimin e rendit publik gjatë procesit zgjedhor, bashkëpunimin me mediat, etj.

a.y/NOA

KOMENTE