Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Komisioni i Stabilizim Asociimit: Vazhdoni dialogun, zgjedhjet sipas standardeve
English

Komisioni i Stabilizim Asociimit: Vazhdoni dialogun, zgjedhjet sipas standardeve

Bruksel, 5 prill 2011, NOA – Komisioni i Stabilizim Asociimit në BE inkurajoi sot partitë politike shqiptare që të zhvillojnë zgjedhjet lokale të 8 majit sipas standardeve ndërkombëtare e të vazhdojnë dialogun e nisur. Gjatë mbledhjes së dytë sot në Bruksel të Komitetit të Stabilizim Asociimit, komisioni nënvizoi se ndryshimet e nevojshme në kod bazuar mbi rekomandimet e OSBE duhet të bëhen menjëherë pas përmbylljes së procesit zgjedhor.

Në këtë takim Shqipëria u përfaqësua nga ministrja e Integrimit Majlinda Bregu, ndërsa pala europiane nga Drejtori për Ballkanin Perëndimor në drejtorinë e Zgjerimit të Komisionit Europian, Pierre Mirel.

Ministrja e Integrimit Majlinda Bregu pas takimit u shpreh se “Lajtmotiv i tij ishin zhvillimet e të gjitha fushave në Shqipëri për periudhën njëvjeçare, nga marsi i vitit të shkuar kur takimi i parë u mblodh në Tiranë në atë të këtij viti”.

Sipas ministres Bregu, Komisioni për Stabilizim Asociimin në BE vlerësoi si pikë kyç çështjen e listave të votuesve.

Duke iu referuar ankesave të opozitës për manipulimin me kartat e identitetit, komisioni theksoi po ashtu se “duke u nisur nga shpenzimet e shumta për pajisje që qeveria shqiptare ka bërë për proçesin e liberalizimit të vizave, nuk e gjejmë me vend aplikimin e aparateve për verifikimin e kartave të identitetit në qendrat e votimit”.

Gjithashtu në këtë takim u cilësua sukses historik heqja e vizave për Shqipërinë, ndërkohë që u vlerësua po ashtu shumë pozitive situata e lëvizjes së lirë të shqiptarëve në zonën Shengen, përmes monitorimit të vazhdueshëm që po i bëhet Shqipërisë.

Komisioni mirëpriti ngritjen e një structure të re të Policisë së shtetit.

Po ashtu u vlerësua se është bërë progress në luftën kundër krimit të organizuar, narkotikëve dhe trafikut të qënieve njerëzore.

Komisioni i Stabilizim Asociimit vlerësoi nismat e ndërmarra nga mazhoranca për kufizimin e imunitetit të zyrtarëve të lartë dhe gjyqtarëve të akuzuar për korrupsion aktiv dhe pasiv.

Ai mirëpriti edhe miratimin e ligjit për financimin e partive politike, si dhe zbatimin e rekomandimeve të GRECO-s.

Komisioni vlerësoi edhe përpjekjet e qeverisë kundër diskriminimit të komunitetit rom, ligjin antimafia, reformën në administraten publike dhe zbatimin e mirë të Marrëveshjes së Stabilizim Asociimit.

Gjithashtu gjatë takimit në Bruksel u vlerësua me tone të larta qëndrueshmëria ekonomike në Shqipëri, rritja e konkurrencës në treg si dhe politikat fiskale të ndjekura nga qeveria, duke përmendur këtu edhe ligjin për amnistinë fiskale.

mit/NOA

KOMENTE