Tiranë, 14 prill NOA- Mosmarrëveshjet me nënën e saj duket se kanë detyruar një 15-vjeçare të arratiset duke gjetur “ngushëllim” tek pesë meshkuj.
Protagoniste e kësaj ngjarje është 15-vjeçarja Kejsi D., e cila rezultonte e zhdukur prej një javë ndërsa policia ka mundur ta gjej atë vetëm pak orë më parë.
Ka qenë nëna e vajzës e cila është paraqitur një javë më parë në ambientet e komisariatit të policisë nr.2, për të denoncuar zhdukjen e të bijës.
Nga policia mësohet se prindërit e 15-vjeçares ishin të ndarë dhe ajo jetonte vetëm me të ëmën.
Ndërkohë që në deklaratën e saj gruaja është shprehur se vajza ishte larguar nga banesa pa lënë adresë dhe nuk ishte kthyer më.
Pas denoncimit forcat e komisariatit të policisë nr.2, nisën hetimet për të gjetur Kejsin. Kështu për mëse një javë kërkimesh policia mundi të zbulonte vendndodhjen e të miturës vetëm pak orë më parë.
Ajo u mor në pyetje në prani të psikologes në komisariat. Duke iu referuar dëshmisë së saj, policia u shpreh se e mitura ishte larguar me dëshirën e saj pas mosmarrëveshjeve që kishte me të ëmën.
“U grinda me mamanë dhe u largova nga shtëpia. Gjatë kësaj kohe kam qëndruar me të dashurin tim” mësohet të ketë deklaruar para oficerëve të policisë kriminale e mitura. Mirëpo policia ka dyshime se gjatë një javë vajza ka “bashkëjetuar” me 5 meshkujt, gjë e cila është në hetim e sipër.
e.t/NOA
