Itali, 14 prill NOA - Pas një vakti të rëndë, sipas studiuesve nuk duhet të konsumohet kafe, por një gotë verë e kuqe.
Sipas një studimi të drejtuar nga INRAN në bashkëpunim me Fondacionin Edmund Mach dhe me departamentin e Shkencave Biokimike të Universitetit Sapienza në Roma, vera e kuqe, mbi të gjitha pas vakteve të rënda, është një tretës i shkëlqyer kjo dhe falë antioksidantëve që përmban.
Ky studim u krye mbi bazën e 12 vullnetarëve, 6 meshkujve dhe 6 femrave, mes moshës 24 dhe 35 vjeçare.
Personat në fjalë pasi u ushqyen me cheeseburger prej 200 gramësh dhe 300 ml ujë, pas 2 javësh shoqëruan këtë ushqim me 300 ml verë të kuqe.
Rezultati pohoi se vera, parandalon shumë përbërje t rrezikshme për shëndetin tonë dhe me pak fjalë konsumi i saj pas ngrënies së një vakti me sasi të caktuara ndikon pozitivisht në shëndetin tonë.
r.b/NOA
