Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Pak orë para mbërritjes së Ramës në Kamëz, rrihet simpatizanti i PD-së
English

Pak orë para mbërritjes së Ramës në Kamëz, rrihet simpatizanti i PD-së

Kamëz, 17 prill 2011, NOA- Sërish është përsëritur e njëjta situatë në Kamëz, pak minuta më parë është rrahur një simpatizant i Partisë Demokratike.

Mësohet se edhe këtë herë shkak për konfliktin është bërë vendosja e flamujve partiakë.

Ndërkaq pritet që pasditen e sotme kreu i Partisë Socialiste Edi Rama të shkojë në Kamëz për të çelur fushatën, një zonë e njohur për përqindje të lartë të elektoratit të djathtë.

Sipas të dhënave paraprake mësohet se i dëmtuari është dërguar drejt Spitalit Ushtarak për të marrë ndihmën e shpejtë.

Rasim Hoxha është identifikuar i dhunuari, i cili në momentin që është sulmuar ka valëvitur dhe ka tentuar të vendosë flamurin e Partisë Demokratike, në vendin ku kryesocialisti Edi Rama do të mbajë fjalimin këtë pasdite.

Mësohet të ketë qenë ky gjest i cili ka bërë që përkrahësit e së majtës në këtë zonë, të ndihen të provokuar dhe ta dhunojnë atë.

Ndërkaq vetëm pak ditë më parë pikërisht për shkak të vendosjes së flamujve në Kashar dy vëllezër u rrahën dhe përfunduan me fraktura të rënda në spital.

a.y/NOA

KOMENTE