Uashington DC, 22 Prill 2011 - Senatori amerikan John Ensign ka dhënë dorëheqjen nga Kongresi pas hetimeve që kanë filluar ndaj tij për akuzat e korrupsionit dhe përfshirjes në një skandal seksual.
John Ensign, republikan nga Nevada, e ka përfaqësuar këtë shtet në Kongres për 11 vite, raporton radio Evropa e Lirë.
Senatori tha se nuk beson të ketë shkelur ndonjë ligj apo standardet e sjelljes së Senatit, por jep dorëheqjen në përpjekje për të mbrojtur familjen dhe votuesit e tij.
Hetimi i Senatit pjesërisht fokusohet dhe në faktin se prindërit e senatorit i kanë dhënë 96 mijë dollarë Sinthia dhe Dagllas Hamiltonit.
Senatori ka pranuar se ka pasur një lidhje jashtëmartesore me Sinthian. Çifti Hamilton ishte pjesë e ekipit të senatorit.
