Kalifornia, 24 Prill NOA - Aktorja amerikane Lindsay Lohan është dënuar me katër muaj burgim dhe 480 orë punë kundrejt shërbimeve shoqërore.
Ky dënim erdhi në përfundim të një procesi që e padiste atë për vjedhje, në Los Anxhelos dhe bëhej fjalë për një varëse me një vlerë prej 2 mijë e 500 dollarësh.
Aktorja ndodhej në liri me kusht, kur në vitin 2007 ajo u gjet e dehur teksa po drejtonte veturën e saj.
Avokatët e Lohan kanë bërë të ditur se do të apelojnë mbi këtë çështje.
Vjedhja ka ndodhur gjatë muajit janar, tre javë pas daljes së aktores nga qendra e rehabilitimit në të cilën gjendej pasi kishte drejtuar automjetin në gjendje të dehur në vitin 2007.
r.b/NOA
