Tiranë, 25 prill, NOA – Policia e Tiranës ka identifikuar personat që grisën dje posterin elektoral të Partisë Socialiste në lagjen “Kombinat” në Tiranë.
Sipas policisë ata janë; D.M, 47 vjeç dhe B.M, 42 vjeç, me banim në Tiranë. Incidenti elektoral i radhës ndodhi pasditen e djeshme rreth orës 18.00’, në sheshin “Garibaldi” në Kombinat.
Sipas policisë, dy personat e identifikuar udhëtonin me mjetin “Ford Galax 2”, me targa BJ065 MC. Në bazë të denoncimit të deputetit të PS-së, dy personat dyshohet se kanë grisur një pjesë të reklamës së posterit të kandidatit të subjektit politik Partia Socialiste, reklamë e vendosur në automjetin furgon tip “Benz”, me targa TR 4413 U.
Policia ka arritur të gjejë dh sekuestrojë makinë tip “Ford Galax 2”, me targa BJ065 MC, me të cilën qarkullonin autorët. Ndërkohë që policia po punon për kapjen e tyre.
a.k/NOA
