Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Sherr mes kandidatit të PS e PD në Lezhë, disa të lënduar
English

Sherr mes kandidatit të PS e PD në Lezhë, disa të lënduar

Lezhë, 3 Maj 2011 NOA/ Ardian Bushi- Shënohet incidenti i dytë në fushatën elektorale për zgjedhjet vendore në rrethin e Lezhës. Këtë radhë incidenti ka ndodhur rreth orës 19.00 të ditës së sotme, në Komunën Blinisht të rrethit të Lezhës.

Sipas burimeve zyrtare të policisë së Lezhës mësohet se kandidati i Partisë Socialiste, Zef Hila është përplasur me kundërshtarin e tij, kandidatin e Partisë Demokratike, Jak Zhuba.

Nga të dhënat e para mësohet se kandidati i PS-së ndodhet në spitalin rajonal të Lezhës, ndërsa kandidati i PD-së ka marrë mjekime edhe ai në spital.

Ndërsa më tej është shoqëruar për në polici për të dëshmuar mbi ngjarjen.

Ngjarja ka ndodhur ne fshatin Fishtë. Ndërsa Hila ndodhej në spitalin e Lezhës, për mediat ai ka treguar çfarë ngjau:

“Unë kam qenë duke biseduar me banorë të zonës, pasi isha duke zhvilluar takime elektorale shtëpi më shtëpi, duke u bërë të ditur programin qeverisë që unë kam synim të vë në zbatim. Ndërsa isha duke biseduar, kandidati i Partisë Demokratike Jak Zhuba, ka ardhur i shoqëruar nga pesë persona me një makinë, duke ndaluar pranë meje e duke dalë menjëherë nga makina. Sapo ata kanë dalë nga makina shoqëruesit e Zhubës dhe ai vetë më kanë qëlluar me qyta pistolete, duke më dëmtuar në kokë dhe në trup. Kam reaguar sigurisht, duke u vetëmbrojtur, ndërsa kam kërkuar edhe ndihmën e policisë”.

Hila tha më tej se me t’u përmirësuar gjendja e tij shëndetësore, “unë do t’i drejtohem prokurorisë për incidentin”. Kurse shtoi: “Do t’i kërkoja publikisht edhe organeve të drejtësisë të reagojnë konform ligjit, për dënimin e agresorëve ndaj meje”.

Policia njoftoi se është kryer shoqërimi i kandidatit të PS-së, për të marrë dhe dëshminë e tij mbi ngjarjen.

a.b/NOA

KOMENTE