Warning: file_get_contents(https://www.njoftime.net/service/xml-last-ads/): failed to open stream: Connection refused in /var/www/vhosts/lajme.gen.al/httpdocs/v2/site/controllers/genel.php on line 1153
5 maji, Berisha: Nderojmë të rënët e të gjitha kohërave
English

5 maji, Berisha: Nderojmë të rënët e të gjitha kohërave

Tiranë, 5 maj, NOA – Kryeministri Sali Berisha deklaroi sot se Dita e Dëshmorëve është përkujtimi i të rënëve të të gjitha kohërave për lirinë dhe integrimin e vendit. Në ceremoninë në memorialin “Nënë Shqipëri”, kreu i qeverisë shoqërohej nga Kryetarja e Kuvendit, Jozefina Topalli, nga ministri i Mbrojtjes, Arben Imami dhe nga mjaft personalitete të mazhorancës.

“Sot është dita e nderimit dhe përuljes më të thellë para të gjithë atyre që flijuan gjënë më të shtrenjtë, jetën, rininë për të fituar pavdekësinë në altarin e kombit. Sot është dita e nderimit të pakufishëm ndaj familjeve të rënëve, të cilat kontribuan për jetën e njerëzve më të dashur, nderojmë sot të rënët e gjitha kohërave”, tha Kryeministri Sali Berisha.

Në mesazhin e tij për shqiptarët, kryeministri Sali Berisha nuk ka lënë pa përmendur dhe zgjedhjet e 8 majit. Ai ka bërë apel për zhvillimin e tyre, duke kërkuar nga qytetarët që të votojnë si europianë.

“Gjaku dhe sakrifica e dëshmorëve është një thirrje për Shqipërinë dhe shqiptarët, që të nderojë dhe të konsolidojnë lirinë. 8 maj është dita e Europës. Nderimi më i madh që mund tu bëhet idealeve të lirisë është që të votojnë si në Europë dhe të japin kontributet e tyre për një proces dinjitoz në BE”, tha sot Berisha.

Ai u shpreh se 5 Maji i këtij viti i gjen shqiptarët më të sigurt se kurrë, pas hyrjes në NATO dhe pas marrjes së liberalizmit të vizave.

a.k/NOA

KOMENTE