Vlorë, 8 maj 2011, NOA- Policia e Vlorës raporton se shumica e qendrave të votimit janë mbyllur votimet, rreth orës 19:00, atje ku nuk ka pasur më votues, ndërsa vijon ende në ato qendra ku ka të tillë.
Në 346 qendra votimi që ndodhen në këtë qark, ka nisur pjesërisht procesi i shoqërimit të materialeve zgjedhore, për në Vendet e Numërimit të Votave, nga anëtarët e Komisionit të Qendrës së Votimit, Sekretarit dhe nga punonjësi përkatës i Policisë së Shtetit.
Sipas policisë së këtij qyteti në dy qendra vazhdon ende votimi, njëra prej tyre në qendër të Vlorës.
a.y/NOA
