Tiranë, 12 maj 2011, NOA – Pas akuzave të njëpasnjëshme nga opozita se po bashkëpunon me Partinë Demokratike për të penguar numërimin e votave në disa njësi bashkiake në kryeqytet, Policia e Shtetit i përgjigjet akuzave duke deklaruar se është tërësisht e angazhuar për menaxhimin me sukses të fazës përfundimtare të procesit zgjedhor, përkatësisht sigurimin e Vendeve të Numërimit të Votave dhe shoqërimin e materialeve zgjedhore drejt Komisionit Qendror të Zgjedhjeve.
Policia e Shtetit duke iu referuar ligjit bëri me dije se Policisë së Shtetit i lejohet të futet në ambientet e VNV-ve, për ruajtjen e tyre perimetrit rreth tyre nga ora 18.00’ e ditës së zgjedhjeve deri në momentin e nxjerrjes së tabelave të rezultatit nga KZAZ-ja.
Sipas policisë gjatë këtij procesi punonjësi i policisë qëndron jashtë ambienteve të VNV-së sipas përcaktimit të bërë nga KZAZ-ja.
Po kështu Policia e Shtetit në një deklaratë për shtyp thotë se asaj i lejohet edhe ndërhyrja në VNV për rivendosjen e rregullit në rast të cënimit të tij, nga personat e pranishëm në VNV, apo nxjerrja jashtë e personave të paautorizuar.
“Në këto raste gjithmonë ndërhyrja realizohet bazuar në Vendimin e KZAZ-së apo KQZ-së për kërkimin e ndihmës së strukturave të Policisë së Shtetit dhe pas rivendosjes së rregullit sërish me vendim të këtyre Komisioneve shërbimet e policisë largohen nga ambientet e VNV-së”, thuhet në deklaratën e Policisë së Shtetit.
Ndërkaq, ky institucion nënvizon se shërbimet e policisë vazhdojnë të përmbushin me profesionalizëm dhe korrektësi detyrat për garantimin e sigurisë pranë Vendeve të Numërimit të Votave.
Policia e Shtetit thekson se gjatë tërë këtij procesi janë vërejtur 16 raste nga nisja e procesit deri më tani, ku është kërkuar ndërhyrja e Policisë së Shtetit pranë Vendeve të Numërimit të Votave.
Me datë 09.05.2011, rreth orës 02.00’, KZAZ-ja Nr. 28, në Korçë, me
vendim ka kërkuar ndërhyrjen e shërbimeve të policisë, pasi është krijuar
konfuzion dhe vështirësi në Vendin e Numërimit të Votave si rezultat i
fluksit të madh të personave (komisionerë dhe personave të tjerë) në VNV.
Punonjësit e policisë pasi kanë ndërhyrë e normalizuar situatën janë larguar
nga VNV-ja sërish me vendim të KZAZ-së. Gjatë ndërhyrjes nuk ka pasur asnjë
incident.
Me datë 09.05.2011, rreth orës 04.50’, nga KZAZ-ja nr. 25, në
Gjirokastër, me Vendim ka kërkuar ndërhyrjen e shërbimeve të policisë për
shkak të vështirësive të krijuara dhe cenimit të rregullit nga personat e
pranishëm në këto ambiente. Gjatë ndërhyrjes nuk ka pasur asnjë incident. Me
vendosjen e rregullit me Vendim të KZAZ punonjësit e policisë janë larguar
nga VNV-ja.
Me datë 09.05.2011, rreth orës 05.45’, nga KZAZ-ja Nr. 27, në
Përmet, me Vendim ka kërkuar ndërhyrjen e shërbimeve të policisë në
ambientet e KZAZ-së për vendosjen e rregullit të cenuar nga personat e
pranishëm në këto ambiente. Gjatë ndërhyrjes nuk ka pasur asnjë incident. Me
vendosjen e rregullit KZAZ-ja, me Vendim ka kërkuar largimin e punonjësve të
policisë nga VNV-ja.
Me datë 09.05.2011, rreth orës 01.10’ në KZAZ-ja Nr. 61, në Vlorë me
Vendim ka kërkuar largimin e një personi nga këto ambiente, i cili nuk ishte
anëtar i komisionit të numërimit të votave. Pas realizimit të ndërhyrjes me
Vendim të KZAZ-së punonjësit e policisë janë larguar sërish nga VNV-ja.
Me datë 09.05.2011, rreth orës 10.40’, nga KZAZ-ja nr. 61, Vlorë ,
me Vendim është kërkuar ndërhyrja e shërbimeve të policisë për vendosjen e
rregullit të cenuar nga personat e pranishëm në këto ambiente. Gjatë
ndërhyrjes nuk ka pasur asnjë incident. Me vendosjen e rregullit me Vendim
të KZAZ-së punonjësit e policisë janë larguar nga VNV-ja.
Me datë 09.05.2011, rreth orës 09.40’, nga KZAZ-ja nr. 11, në Krujë,
me Vendim është kërkuar ndërhyrja e shërbimeve të policisë për vendosjen e
rregullit të cenuar nga personat e pranishëm në këto ambiente. Gjatë
ndërhyrjes nuk ka pasur asnjë incident. Me vendosjen e rregullit me Vendim
të KZAZ-së punonjësit e policisë janë larguar nga VNV-ja.
Me datë 10.05.2011, rreth orës 02.10’, nga KZAZ-ja nr.30, në Korçë,
është kërkuar ndërhyrja e shërbimeve të policisë për vendosjen e rregullit
të cenuar nga personat e pranishëm në këto ambiente (grindje). Gjatë
ndërhyrjes nuk ka pasur asnjë incident. Me vendosjen e rregullit me Vendim
të KZAZ-së punonjësit e policisë janë larguar nga VNV-ja.
Me datë 10.05.2011, rreth orës 03.12’, nga KZAZ-ja nr.29 në Korçë,
është kërkuar ndërhyrja e shërbimeve të policisë për vendosjen e rregullit
të cenuar nga personat e pranishëm në këto ambiente (grindje). Gjatë
ndërhyrjes nuk ka pasur asnjë incident. Me vendosjen e rregullit me Vendim
të KZAZ-së punonjësit e policisë janë larguar nga VNV-ja.
Me datë 10.05.2011, rreth orës 13.45’, nga KZAZ-ja nr.5 në Dibër,
është kërkuar ndërhyrja e shërbimeve të policisë për vendosjen e rregullit
të cenuar nga personat e pranishëm në këto ambiente. Gjatë ndërhyrjes nuk ka
pasur asnjë incident. Me vendosjen e rregullit me Vendim të KZAZ-së
punonjësit e policisë janë larguar nga VNV-ja.
Me datë 10.05.2011, rreth orës 14.40’, nga KZAZ-ja nr.20 në Fier, është
kërkuar ndërhyrja e shërbimeve të policisë për vendosjen e rregullit të
cenuar nga personat e pranishëm në këto ambiente (probleme për shkak të
numrit të madh të personave të pranishëm të pajisur me autorizim). Gjatë
ndërhyrjes nuk ka pasur asnjë incident. Me vendosjen e rregullit me Vendim
të KZAZ-së punonjësit e policisë janë larguar nga VNV-ja.
Me datë 10.05.2011, rreth orës 14.30’, nga KQZ-ja, është kërkuar
ndërhyrja e shërbimeve të policisë në ambientet e VNV-së tek KZAZ-ja nr.54
në Tiranë për nxjerrjen jashtë këtyre ambienteve të personave të pautorizuar
për të qëndruar. Pasi kanë marrë Vendimin e KQZ-së, në përputhje me Kodin
Zgjedhor kanë ndërhyrë strukturat e policisë për zbatimin e vendimit të
KQZ-së, me praninë e një personi të deleguar nga KQZ-ja, duke larguar
personat e përcaktuar në vendim. Gjatë ndërhyrjes nuk ka pasur asnjë
incident. Me vendosjen e rregullit me Vendim punonjësit e policisë janë
larguar nga VNV-ja.
Me datë 10.05.2011, rreth orës 22.30’, nga KZAZ-ja nr.41 në Shkodër,
është kërkuar ndërhyrja e shërbimeve të policisë për vendosjen e rregullit
të cenuar nga personat e pranishëm në këto ambiente (vëzhguesit nuk
respektonin largësinë e perimetrit të sigurisë mes numëruesve e vëzhguesve).
Gjatë ndërhyrjes nuk ka pasur asnjë incident. Me vendosjen e rregullit me
Vendim të KZAZ-së punonjësit e policisë janë larguar nga VNV-ja.
Me datë 10.05.2011, rreth orës 23.30’, nga KZAZ-ja nr.44 në Koplik,
është kërkuar ndërhyrja e shërbimeve të policisë për vendosjen e rregullit
të cenuar nga personat e pranishëm në këto ambiente (probleme nga
vëzhguesit). Gjatë ndërhyrjes nuk ka pasur asnjë incident. Me vendosjen e
rregullit me Vendim të KZAZ-së punonjësit e policisë janë larguar nga
VNV-ja.
Me datë 11.05.2011, rreth orës 19.50’, nga KZAZ-ja nr.57 në Tiranë,
është kërkuar ndërhyrja e shërbimeve të policisë për vendosjen e rregullit
të cenuar nga personat e pranishëm në këto ambiente (vëzhgues dhe
përfaqësues të subjekteve politike). Gjatë ndërhyrjes nuk ka pasur asnjë
incident. Me vendosjen e rregullit me Vendim të KZAZ-së punonjësit e
policisë janë larguar nga VNV-ja.
Me datë 11.05.2011, rreth orës 00.20’, nga KZAZ-ja nr.25 në
Gjirokastër, është kërkuar ndërhyrja e shërbimeve të policisë për vendosjen
e rregullit të cenuar nga personat e pranishëm në këto ambiente (probleme
nga vëzhguesit). Gjatë ndërhyrjes nuk ka pasur asnjë incident. Me vendosjen
e rregullit me Vendim të KZAZ-së punonjësit e policisë janë larguar nga
VNV-ja.
Me datë 12.05.2011, rreth orës 11.00’, nga KZAZ-ja nr.41 në Shkodër,
është kërkuar ndërhyrja e shërbimeve të policisë për vendosjen e rregullit
të cenuar nga personat e pranishëm në këto ambiente (probleme nga
vëzhguesit). Gjatë ndërhyrjes nuk ka pasur asnjë incident. Me vendosjen e
rregullit me Vendim të KZAZ-së punonjësit e policisë janë larguar nga
VNV-ja.
mit/NOA
