Tiranë, 13 maj 2011, NOA- Ndonëse koalicionet kanë ofruar rezultate të caktuara për grupimet partiake, veçmas koalicioneve subjektet politike kanë marrë votat e tyre.
Sipas të dhënave të fundit nga Komisioni Qendror i Zgjedhjeve rezulton se në Tiranë Partia Socialiste ka marrë 91404 vota, Partia Demokratike 68441 vota dhe Lëvizja Socialiste për Integrim 18511 vota.
Ndërkaq një tjetër panoramë paraqitet në rezultatet e dhëna nga KQZ në rang kombëtar ku vihet re se Partia Socialiste ka marrë 393314 vota, Partia Demokratike 303487 vota dhe Lëvizja Socialiste për Integrim 106624 vota.
Në rang kombëtar Partia Socialiste kryeson me 89827 vota në avantazh ndaj Partisë Demokratike, por pavarësisht si koalicion ai i djathtë ka marrë shumicën e votave të shqiptarëve.
a.y/NOA
