Romë, 14 maj 2011, NOA – Vetëm katër orë pas lajmit të fitores në Tiranë me 10 vota, një rezultat i nxjerrë nga procesverbali i KZAZ-së nr. 49, lideri i opozitës Edi Rama dhe kryebashkiaku ende i pashpallur ka marrë të parin urim nga Partia Demokratike Italiane.
Kjo parti e drejtuar nga Valter Veltroni shkruan në mesazhin e urimit se “sprova tejet e fortë elektorale për Tiranën, të cilën vetë kryeministri Sali Berisha e kishte identifikuar më herët si një test vendimtar për vlerësimin e zgjedhjeve, nxorri fitimtar ashtu siç shpresohej në tërë komunitetin socialist evropian, liderin e Partisë Socialiste Edi Rama.
Partia Demokratike Italiane thekson më tej se këto zgjedhje administrative konfirmuan suksesin e plotë të Partisë Socialiste.
“Edit i përcjellim urimet më të sinqerta, e shpresojmë që Shqipëria të mund shikojë konfirmimin e zgjedhjeve politike të parakohshme. Kjo për t’i dhënë mundësinë popullit shqiptar për të pasur një qeveri, legjitimiteti i të cilës nuk mund të vihet në diskutim nga askush, duke garantuar kështu përshpejtimin e procesit të pranimit në Bashkimin Europian”, thuhet në mesazhin e Partisë Demokratike të Italisë.
mit/NOA
