Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Deputetët socialistë largohen nga oborri i KQZ, pritet mbledhja e grupit
English

Deputetët socialistë largohen nga oborri i KQZ, pritet mbledhja e grupit

Tiranë, 18 maj 2011, NOA – Pas urdhrit për t’u rikthyer në selinë rozë, deputetët socialistë janë larguar para pak minutash nga selia e KQZ-së ku kishin mbërritur prej orës 09.00 të mëngjesit në përpjekje për të marrë pjesë në seancën e shumëpritur të KQZ-së ku po shqyrtohet akt-vendimi për numërimin e fletëve të votimit të kontestuara.

Burime brenda PS-së informuan se deputetët socialistë janë thirrur për të marrë pjesë në një mbledhje urgjente të grupit të deputetëve të PS-së, nga Kryetari i Partisë Socialiste Edi Rama, njëherësh kandidati i “Aleancës për të Ardhmen” për të katërtin mandat në bashkinë e Tiranës.

Deputetët socialistë dhe militantët e kësaj partie që ishin dyndur në oborrin e KQZ-së qysh në orët e paradites kanë braktisur selinë e KQZ-së duke mbërritur tashmë në selinë rozë, ku pritet që pas pak të nisë mbledhja e grupit të PS-së.

Por ndërsa mjediset e Partisë Socialiste janë tejmbushur me simpatizantët e PS-së, brenda në zyrën e kryesocialistit Edi Rama ndodhej edhe ambasadori amerikan Aleksandër Arvizu, i cili sapo përfundoi takimin kokë më kokë me liderin e opozitës për situatën e tensionuar postzgjedhore.

Takimi me kreun e PS-së erdhi menjëherë pas takimit me presidentin Bamir Topi.

Ambasadori Arvizu doli nga selia rozë i shoqëruar nga kryesocialisti Rama, mes për mes simpatizantëve.

mit/NOA

KOMENTE