E mërkurë, 25 maj 2011, NOA- Zonja e Parë e Shteteve të Bashkuara të Amerikës Mishele Obama deklaron se bota është gati për një grua në drejtimin e Shteteve të Bashkuara.
“Besoj se jemi gati. Na takon ne grave ta shohim veten në rolin e liderëve dhe të jemi të gatshme të luftojmë”, u shpreh ajo gjatë një vizite në Elizabeth Garrett Anderson School të Oxford.
Lidhur me Sekretaren e Shtetit Hillary Clinton ajo u shpreh se, ajo është një lidere e mrekullueshme dhe një konkurrente e denjë për drejtimin e Shtëpisë së Bardhë.
Sipas saj, roli i femrës në vite është rritur dhe si i tillë tashmë ajo është e aftë të drejtojë edhe Shtetet e Bashkuara të Amerikës si dhe të ketë një vendimmarrje kyçe në të gjithë botën.
a.y/NOA
