E premte, 27 maj 2011, NOA- Eurodeputetja Doris Pack deklaroi se nuk do të ketë pezullim të liberalizimit të vizave për vendet e Ballkanit Perëndimor.
Ajo sqaroi se ekziston mundësia e rikthimit të vizave, mirëpo në rast se do të harxhoheshin të gjitha masat për zvogëlimin e fluksit të emigrantëve të huaj.
“Propozimi për pezullim i bërë nga KE është administrativ dhe politik, por shumë i komplikuar, ashtu që është i pamundur të aplikohet. Parlamenti Europian pavarësisht kësaj është mbështetës i fuqishëm i liberalizimit të vizave”, theksoi Pak.
Ajo kërkoi që Qeveria e Maqedonisë të vazhdojë përkushtimin për bindjen e popullatës për të mos keqpërdorur liberalizimin e vizave.
Eurokomisionerja për punë të brendshme dhe drejtësi, Sesilia Malstrom deklaroi se vendimi për pezullimin e mundshëm të vizave duhet të miratohet edhe nga Parlamenti Evropian.
(INA)/NOA
