Prishtinë, 28 maj 2011, NOA- Greva e cila zgjati për afro një javë në burgun e Dubravës, ka përfunduar pasditen e djeshme.
Ndërprerja e saj ka ardhur pas takimit dhe marrëveshjes me zëvendëskryeministrin dhe ministrin e Drejtësisë, Hajredin Kuçi me këshillin e të burgosurve grevist të Qendrës Korrektuese të Dubravës, nga ku pritet që Ministria e Drejtësisë të hartojë projektligjin për të cilin protestuan grevistët.
Kërkesa kryesore e grevistëve Ligji për Amnisti duket se është dëgjuar pas rekomandimeve të ministrit Kuçi, drejtuar presidentes së Republikës së Kosovës, Atifete Jahjaga, kryetarit të Kuvendit të Kosovës, Jakup Krasniqi dhe Komisionit për Amandamentimin e Kushtetutës, që në amandamentimin e Kushtetutës të përfshihet edhe Instituti i Amnistisë dhe futjes së këtij instituti si kategori kushtetuese.
a.y/NOA
