Manastir, 5 qershor 2011, NOA – Fenomeni i blerjes së votave nga partitë politike nuk mund të mos vërehej edhe në zgjedhjet e parakohshme në Maqedoni.
Blerja e votave është hasur në qytetin e Manastirit, ku siç raporton korrespondenti i agjencisë së lajmeve INA, votat e komunitetit rom po blihen me rreth 10 euro.
Partitë politike kanë blerë votat nga pjesa më e varfër e shoqërisë maqedonase, të cilët jetojnë më ndihmë sociale nga shteti.
Sipas të dhënave grupet për të mos humbur mbështetjen me ndihmë ekonomike kanë hedhur votën për partinë që i ka paguar.
Janë vetë pjesëtarët e këtij komuniteti që janë paraqitur pranë policisë dhe Prokurorisë në Manastir, për të denoncuar faktin.
Sikundër lajmërohet votat janë blerë kryesisht në një lagje të njohur Bair në Manastir, e banuar kryesisht nga komuniteti rom.
Pjesëtarët e komunitetit rom kanë konfirmuar për mediat se e kanë shitur një votë për rreth 10 euro dhe se kjo është mënyrë për të përfituar nga këto zgjedhje.
Pohime për blerjen e votave u përhapën edhe në zona tjera shqiptare në pjesën e Pellagonisë.
Por sikundër bëhet me dije këto sinjalizime për blerje votash janë hedhur poshtë nga shtabet partiake të partive shqiptare.
NOA/INA
