Prishtinë, 10 qershor 2011, NOA- Ish-ushtarët e Ushtrisë Çlirimtare të Kosovës janë futur në ditën e 18-të të grevës së urisë së tyre para qeverisë së Kosovës, ku janë vendosur edhe çadrat e tyre.
Mësohet se numri i grevistëve ka ardhur duke u rritur duke i kaluar 100, ndërsa mbështetja po u vjen pothuajse çdo ditë nga të gjitha zonat e dikurshme të UÇK-së, ashtu siç bënë edhe ish-ushtarët nga komuna e Kaçanikut gjatë së enjtes.
Në deklaratat e tyre thuhet se greva do të ndërpritet vetëm kur Kuvendi të miratojë ligjin për vlerat e luftës së UÇK-së, përndryshe jo, shprehen të vendosur ish-luftëtarët, pavarësisht përkeqësimit të shëndetit, pasi sipas tyre çdo deklaratë e funksionarëve shtetëror është e pabazë pa u miratuar ky ligj.
a.y/NOA
