Durrës, 14 qershor 2011, NOA- Një 20 vjeçar nga qyteti i Durrësit është prangosur nga policia e qytetit pasi kishte aksidentuar me makinë një të moshuar.
Besnik Gega me banim në Durrës, është arrestuar në flagrancë pasi në lagjen 17 të këtij qyteti gjatë ditës së djeshme teksa ka qenë duke drejtuar automjetin tip Nissan me targa DR 3961 D, ka përplasur një kalimtar i identifikuar si S.H., i moshës 74 vjeçare.
Mësohet e kalimtari ndodhet në gjendje të rëndë shëndetësore në spitalin e Durrësit.
Ndërkohë nga ana e Prokurorisë nisën hetimet për zbardhjen e rrethanave të aksidentit.
a.y/NOA
