Bolzano, 18 Qershor NOA - Ka shpëtuar mrekullisht një vajzë e vogël që sapo kishte mbushur vitin e parë të jetës së saj.
Ajo ka rënë nga dritarja e katit të dytë, në shtëpinë e saj, një apartament që ndodhet në Bolzano të Italisë.
Vogëlushja për fat të mirë ka rënë në një tendë duke mbetur e padëmtuar.
Incidenti ka ndodhur ditën e sotme në Bolzano, ku foshnja në një moment i ka shpëtuar kujdesisë së mamasë dhe nga krevati i saj është larguar duke u ngjitur më pas në dritare, ku humbi ekuilibrin dhe më pas ra.
Fati donte që pikërisht poshtë dritares të gjendej tenda e një dyqani, që bëri të mundur që vajza e vogël të mos pësonte asnjë dëmtim.
r.b/NOA
