E martë, 2 gusht 2011, NOA - Duke përdorur qumështin, ju do të merrni prej tij nivele të larta të kalciumit, të cilat në mënyrë efektive do të ndihmojnë në humbjen e peshës suaj.
Studime të shumta tregojnë se nivelet e larta të marrjes së kalciumit, sidomos nga burimet me yndyrna të ulëta, ndikojnë në rritjen e metabolizmit.
Por sa është sasia e kalciumit që çdo njeri ka nevojë të marrë?
Një studim sygjeron se sasia minimale që duhet marrë nga qumështi dhe produktet e tij duhet të jetë 1.000 mg kalcium në ditë.
Pacientët të cilët kanë humbur peshë nga një kirurgji e mundshme, kanë nevojë të konsumojnë deri në 2500 mg kalcium në ditë.
Në disa raste është i nevojshëm këshillimi me mjekun tuaj ose me një dietolog sepse barna të caktuara përmbajnë sasi kalciumi.
Më poshtë jepen rekomandime bazuar në referencën dietike të konsumit:
| Mosha (vite) | Kalcium(mg/ditë) | Nr i vakteve |
| 1 - 3 | 500 | 3 vakte |
| 4 - 8 | 800 | 3 vakte |
| 9 – 18 | 1.300 | 4 vakte |
| 19 – 50 | 1.000 | 3 vakte |
| 51 + | 1.200 | 4 vakte |
a.q/NOA
Përshtati: Albana Qehajaj
