Shkodër, 11 gusht 2011, NOA - Shqipëria mundi 3-2 Malin e Zi në miqësoren e luajtur të mërkurën mbrëma në stadiumin “Loro Boriçi” të Shkodrës.
Goli i parë i avantazhit të kombëtares shqiptare erdhi nga Erion Bogdani në minutën e 33-të të pjesës së parë, por 7 minuta më vonë barazoi rezultatin malazezi Saviç.
Pas mbylljes 1-1 të pjesës së parë, në fillim të pjesës së dytë Saiviç shënon golin e avantazhit për malazezët.
Por, kuqezinjtë marrin në duar lojën duke shënuar njëri pas tjetrit dy gola.
Ishin futbollistët Jahmir Hyka dhe shkodrani Hamdi Salihi që vulosën fitoren e kuqezinjve.
mit/NOA
