Korçë, 12 gusht 2011, NOA – Trupi i gjymtuar i një gruaje afro 30-vjeçare është gjetur i hedhur pranë zonës së grumbullimit të plehrave në fshatin Ravonik të Korçës.
Kanë qenë kalimtarë të rastit që janë shokuar kur kanë parë kufomën e një gruaje, lakuriq, të cilës i mungonte koka dhe gjymtyrët.
Ngjarja horror u diktua në orët e vona të së enjtes.
Fshatarët e zonës lajmëruan policinë për trupin e gjetur.
Sipas uniformave blu të Korçës autori apo autorët e kësaj vrasjeje horror pasi i kishin marrë jetën duke e masakruar me thikë gruas 30-vjeçare, e kishin copëtuar atë duke ia paketuar gjymtyrët në një qese, dhe kokën e trupin veçmas.
Gjymtimi e bën të pamundur identifikimin e trupit të gjetur, andaj policia po pret ekspertizën mjeko-ligjore.
Vdekja tragjike e gruas të sjell në vëmendje filmat horrorë, duke tejçuar në opinionin e gjerë ankthin e tmerrshëm pse vrasësit e saj gjenden në liri.
Ndërkohë që vrasja e grave të pambrojtura është kthyer në një fenomen të shpeshtë në vend.
mit/NOA
