Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Tirana fiton Superkupën e Shqipërisë
English

Tirana fiton Superkupën e Shqipërisë

Minutë pas minute

Korçë, 18 Gusht 2011 NOA/ Alba Filipi – Superkupa e Shqipërisë fitohet nga Tirana, duke mundur ekipin e Skënderbeut pas një goli të vetëm që u shënua pjesën e dytë të ndeshjes nga Bekim Bala.

Ndeshja u shoqërua nga një varg incidentesh dhe momentalisht policia po përpiqet të mbajë nën kontroll situatën.

Gjithçka nisi një orë para 20.00 kur ishte lajmëruar të niste ndeshja Skënderbeu-Tirana.

Disa qindra tifozë të mbërritur nga Tirana, donin të uleshin në ndenjëset e tribunës C por policia ngurroi t’ua plotësonte dëshirën, kjo pasi në të njëjtën tribunë dhe pranë saj gjendeshin tifozët e Korçës.

Të pakënaqur nga fakti se nuk po sistemoheshin në stadium, tifozët e Tiranës kanë protestuar dhe thirrjes së tyre iu bashkia ekipi i Tiranës i cili edhe pse doli në fushë në 20.00, refuzoi të niste ndeshja.

Pasi kaloi plot një orë, dhe me negocimin e presidentit të Skënderbeut dhe atij të Tiranës, u arrit që tifozët e Tiranës të ulen në tribunën C.

Por kur ndeshja kishte vetëm 12 minuta që kishte nisur, u rikthye situata kaotike. Disa tifozë që u identifikuan të ishin të Tiranës, hodhën përgjatë tribunës dhe fushës, fishekzjarrë dhe deri gaz lotsjellës dhe shashka tymuese.

Në këto momente gjakrat u nxehën dhe një numër tifozësh të Korçës u futën në fushë e pas tyre edhe disa të Tiranës.

Konfrontimi degjeneroi deri në lëndimin e të paktën shtatë tifozëve, mbështetës të të dy ekipeve.

Ndeshja u arrit të rifillohej, por këtë radhë policia u tregua më e prerë dhe nxori jashtë gjithë të tifozët e Tiranës që arriti të identifikojë.

Deri në përfundim të ndeshjes, policia i mbajti larg këta tifozë, disa dhjetëra metra nga stadiumi.

a.f/e.t/NOA

KOMENTE