Buqlizë, 19 gusht 2011, NOA- Minatorët e Bulqizës në ditën e 26 të grevës së urisë janë duke zhvilluar një mbledhje me komisionin e grevës në të cilin pritet të merret vendim mbi ecurinë e mëtejshme të tyre.
Mbledhja e jashtëzakonshme e minatorëve po zhvillohet në një kohë kur jashtë ambienteve të minierës ndodhen forca të shumta policie.
Sakaq Përmbarimi i kërkon policisë të zbatojë vendimin e Gjykatës së Dibrës duke kërkuar që minatorët të dalin nga miniera.
Nga ana e tyre minatorët mbajnë të izoluar të gjitha hyrjet dhe daljet, ndërkohë grevistët bllokojnë ashensorët në minierë dhe kërcënojnë se do hapin tubacionet e ujit dhe do përmbyten.
Aktualisht minatorët vijojnë të ndodhen brenda minierës në nivelin e 14-të të nëntokës.
Deri më tani minatorët deklarojnë se nuk do ta ndërpresin derisa kompania koncensionare ACR të nënshkruajë me atë një marrëveshje zyrtare, ku të pranohen qartë kërkesat e tyre.
a.y/NOA
