E premte, 19 gusht 2011, NOA- (Update) Zjarri i cili përfshiu rreth dy orë më parë një pjesë të Fushë Krujës duket se ka përparuar më tej.
Sipas dëshmitarëve në vendngjarje thuhet se zjarri ka përparuar drejt stacionit të autobuzëve ndërsa janë vënë në rrezik disa shtëpi.
Pavarësisht forcave zjarrëfikëse në vendngjarje të cilat po luftojnë me flakët e zjarrit, përmasat e tij janë tepër të mëdha çka deri më tani raportohen 50 hektarë shkurre dhe dru të djegura.
Zjarri fillimisht u përhap në ambientet përreth fabrikës së çimentos ndërsa nuk bëhen ende të ditura shkaqet që çuan në rënien e tij.
a.y/NOA
