Fier, 23 gusht 2011, NOA – Një 19-vjeçar nga Fieri nuk mundi t’i shpëtojë plagëve të shkaktuara nga vetëvrasja me armë gjahu.
Vdekja e të riut ndodhi në orën 03:30, në spitalin rajonal të Fierit.
Mjekët e spitalit lajmëruan për vdekjen e të riut Marsel Deda, duke bërë me dije se ai kishte mbërritur në spital i plagosur në kraharor me armë zjarri, dhe më pas kishte vdekur.
Policia e Fierit pas marrjes së lajmit dhe hetimit paraprak bën me dije se 19-vjeçari Marsel Deda, banues në fshatin Daullas të rrethit të Fierit, është vetëvrarë me armë gjahu rreth orës 02.30, në banesën e tij.
Blutë e Fierit dyshojnë se 19-vjeçari ka qëlluar mbi veten për motive të dobëta.
mit/NOA
