Fier, 29 gusht 2011, NOA- (Update) Trupi i pajetë, i gjetur paraditen e sotme në fshatin Marinëz të Fierit në afërsi të sektorit të nxjerrjes së naftës, është identifikuar pak më parë nga vëllezërit e tij.
Sipas korrespodentit të agjencisë së lajmeve NOA në vendngjarje, mësohet se trupi i pajetë i përket 60 vjeçarit Nikoll Mata, por nuk bëhen të ditura ende shkaqet që çuan në vdekjen e tij.
Ndërkaq mësohet se trupi i pajetë u gjet mëngjesin e sotëm në një pellg mbetjesh nafte, ku u gjet nga një punëtor i këtij sektori.
Nga ana e policisë ka nisur menjëherë hetimi për zbardhjen e shkaqeve të vdekjes së tij, ndërsa dyshohet se ai ka rënë aksidentalisht në pusin e naftës.
a.y/NOA
