Pogradec, 29 gusht, NOA – Dhunimi i shpeshtë i bashkëshortes ka detyruar policinë e Pogradecit që të marrë masa ndaj një 34-vjeçari. Kudret Kllomollari është paditur dje për ushtrim dhune nga gruaja e tij.
Çifti, me banim në fshatin Vërdovë të Pogradecit, prej kohësh kishte probleme. Gruaja ka thënë në polici se keqtrajtohej sistematikisht nga burri i saj. Fillimisht dhuna ka qenë vetëm psikologjike, por më pas 34-vjeçari ka ushtruar dhe dhunë fizike. Kjo ka bërë që policia të lëshojë urdhrin e mbrojtjes për gruan 44 –vjeçare.
Ndërkohë që materialet në ngarkim të Kudret Kllomollarit i kanë kaluar Gjykatës së Rrethit Gjyqësor Pogradec për veprime të mëtejshme.
a.k/NOA
