Përmbledhje sportive në pak rreshta
Në dy ndeshjet e fundit të Bundesligës për këtë javë, Shalke mundi të dielën (28.08) Borusinë e Mënhengladbahut me rezultatin 1:0, me golin që shënoi Raul. Ndërsa Hanoveri dhe Mainci barazuan 1:1.
Tabelën e kryeson Bajerni i Mynihut. - Kombëtarja gjermane në hokej mbi bar ka fituar për herë të shtatë titullin e kampionit evropian, pas fitores në finale kundër Holandës me rezultatin 4:2.
Në garën e formulës 1 në Spa të Belgjikës sërish fitoi piloti i Red Bullit, gjermani Sebastian Vettel.
Michael Schumacher zuri vendin e pestë, ndonëse garën e filloi si i fundit.
Ndërsa njeriu më i shpejtë në botë, Usain Bolt përjetoi një goditje të rëndë sportive, pasi u skualifikua në startin e garës finale.
Në mungesë të Boltit, kampion bote në 100 metra u bë bashkëkombësi i tij nga Jamajka Yohan Blake.
