Lezhë, 3 shtator 2011, NOA- Një aksident automobilistik ka ndodhur pak minuta më parë në aksin rrugor Fushë Krujë- Milot, ku si pasojë e tij kanë ngelur të plagosur dy persona.
Mësohet se në këtë ngjarje janë përfshirë një makinë me targa greke dhe një fuoristradë dhe si shkak i aksidentit thuhet të ketë qenë shpejtësia tej normave të lejuara.
Deri më tani është identifikuar vetëm njëri nga të plagosurit, 48 vjeçari Osman Daja ndërsa nuk dihet ende identiteti i të plagosurit tjetër.
Sakaq nga ana e policisë konfirmohet se dy të dëmtuarit janë dërguar drejt spitalit të Lezhës dhe aktualisht ndodhen jashtë rrezikut për jetën.
a.y/NOA
