SHBA, 8 Shtator NOA - Ka bërë shaka me gazetarët dhe gjatë konferencës së saj për shtyp, danezja Caroline Wozniacki ka imituar tenistin Rafael Nadal, i cili dy ditë më parë u “sulmua” nga ngërçe të forta që e detyruan të shtrihej në tokë gjatë një konference për shtyp.
Video e imitimit të Wozniacki tashmë është publikuar në ueb.
Në të shihet mjaft qartë, numri 1 e tenisit, e cila tepër e qeshur nis të përgjigjet pyetjeve të gazetarëve dhe në një moment imiton gjithçka çka ndodhi, në mënyrë serioze, me kolegun e saj kampionin spanjoll.
Me sa bëhet e ditur më pas, Caroline ka kërkuar dhe ndjesë për këtë shaka të bërë kundrejt Nadal.
r.b/NOA
