SHBA, 17 Shtator NOA - Keira Knightley është protagonistja e “A dangerous method”, film i drejtuar nga David Cronenberg dhe i prezantuar në edicionin e 68-të të festivalit të filmit në Venecia. Një film tepër impenjativ, i karakterizuar nga skena erotike me pjesë dhe të forta. Një veprim jo i lehtë për tu ndërmarrë ky për yllin e kinemasë ndërkombëtare që për ti dhënë kurajë vetes ka gjetur ndihmë në alkool. Në film, Keira interpreton rolin e Sabina Spielrein, një grua që tërhiqet nga dy psiko-analist të rangut të Frojdit dhe Jung. “Kam pirë disa gota vodka para se të xhirohej skena erotike e fortë”, rrëfeu Knightley. Kur Cronenberg i propozoi rolin, aktorja e “Duke Ëndërruar Beckham” fillimisht e refuzoi si pasojë e skenave të seksit dhe siç përcillet nga Daily Mail, ajo i pohoi regjisorit: “Shiko, unë të adhuroj, pjesa më pëlqen, personazhet më pëlqejnë, por nuk besoj se mund të aktroj pjesë të tilla”. Më pas kurajo tek aktorja, bëri që dhe me ndihmën e disa gotave Vodka, Keira të ndryshonte mendim dhe të kalonte çdo frikë të saj. r.b/NOA
